Tomás O’Cíobháin
Beathaisnéis Ealaíontóra:
Rugadh Tomás in An Ghráig, Baile’n Fheirtéaraigh, Co. Chiarraí. Bhí suim aige sna healaíona ó bhí sé óg, agus rinne sé cúrsa oíche san eitseáil agus sa ghreanadóireacht. Is iomaí gradam atá buaite aige agus tá clú agus cáil bainte amach aige mar cheann de na déantóirí priontaí is fearr in Éirinn. Ghlac sé páirt i dtaispeántais ghrúpa san Acadamh Ibeirneach Ríoga, Gailearaí Crawford agus Taispeántas Náisiúnta an Oireachtais. Tá formhór a shaoil ghairimiúil caite aige ag teagasc deartha troscáin, adhmaid agus ceird an mhiotail. Tá taispeántas dá shaothar le feiceáil i ngailearaí Crawford, Corcaigh i láthair na huaire.
